sambungan SUMBANG DUDUAK

..... (sambungan nan lalu)
“Jangga” (salah) atau sumbang diliek dek urang banyak, tarutamo untuak nan padusi. Duduak padusi iolah mancaminan kasopanan jan sampai mahilangkan kodratnyo sebagai urang padusi, Contoh caro duduak nan sumbang untuak padusi iolah apobilo:

1. Duduak Baselo (bersela). Duduak Baselo nantun duduak melipekan kaki basilang dima ujuang kaki sabalah kida dihimpik paho kanan, ujuang kaki kanan dihimpik dek paho kida. Kabiasaan duduak baselo manuruik adaik hanyolah untuak laki-laki sajo dan indak pantas bilo dikarajoan dek padusi Minangkabau.
2. Duduak Mangangkang Duduak Mangangkan nantun duduak jo mambukak kaduo paho sakalipun alah ditutuik jo kain atau pakai sarawa (celana).
3. Duduak mencongkong, Duduak mancongkong (duduk berjongkok) nantun duduak dima hanyo talapak kaki sajo nan ma injak atau tacacah ke tempek duduak, kaduo pingguanyo tagantuang sarato manempe di kaduo batihnyo. Duduak mancongkong adolah duduak indak manuruik kodrat urang padusi.

b. Sumbang Manuruik Tampek Duduak

Sumbang duduak menuruik tampek nan diduduaki iolah apobilo duduak di tampek nan bukan di paruntuakan atau disadiokan untuak tampek duduak awak, malainkan untuk duduak urang lain sarupo::

1. Duduak di tampek duduak sumando (jamuan baradaik)2

2. Duduak di tampek duduak mamak rumah (jamuan baradaik)

3. Duduak di tampek duduak penghulu (jamuan baradaik)

4. Duduak di tampek duduak mamak rumah urang sumando (jamuan baradaik)

5. Duduak di tampek duduak mandeh soko/kaum (jamuan baradaik)

 6. Duduak di ateh meja,

 7. Duduak di ateh almari,

 8. Duduak di jendela,

 9. Duduak di pintu,

10. Duduak di janjang,

11. Duduak di tempek nan dianggap manariak paratian urang.

12. Duduak di tapi jalan, ditampek urang lalu-lalang, atau

13. Duduak di tempat umum kalau indak ado urang nan mangawani, walaupun banyak urang tapi

      mengganggu kepada nan lain.

14. jo lain-lain sabagainyo 

c. Sumbang duduak menuruik situasi
    iolah duduak nan indak dipabuliahan karano situasi jo kondisinyo di anggap indak cocok. Contohnyo iolah:

1. Urang padusi duduak di dakek laki-laki banyak nan sadang bagaluik (bacangkrama) atau sadang bamain.
2. Urang padusi duduak sangaik badakek an jo laki-laki nan indak muhrimnyo.
3. Indak diajak ikuik pulo duduak basamo-samo urang tuo-tuo, apokah dalam suatu musyawarah atau hanyo sakada ba andai-andai.
4. Duduak di dakek urang lain nan sadang mangadoan patamuan atau mangecekan sasuatu, nan awak indak diikuik satoan.